Euskal selekzioaren futboleko Hirugarren Mailako taldeak Lagun Onak futbol taldeko Iker Bastida atezain azpeitiarra eta Jagoba Erdozia aurrelari hernaniarra deitu ditu datorren asteartean, apirilak 25, Azkoitiko Txerloia futbol zelaian egingo duten entrenamendurako. Hain justu, egun horretako 19:30ean egingo du lan saioa euskal selekzioak Azkoitian.
Euskal selekzioak Irlandako selekzioaren aurka lagunartekoa jokatuko du maiatzaren 2an (19:30), asteartez, Barakaldoko (Bizkaia) Lasesarre zelaian, eta Txerloiko entrenamendua partida hori prestatzeko egingo dute. Iker Bilbao buru duen selekzioak hogei jokalari ditu ditu entrenamendua osatzeko. Entrenatzaileari laguntzen arituko da, era berean, Aitor Zubizarreta entrenatzaile azpeitiarra ere.