Atzo, apirilak 23, Liburuaren Eguna izan zen, eta horren harira Uztarria Komunikazio Taldeak liburu sorta bat zozkatuko du bazkideen artean. Elkar argitaletxeak emandako liburu sorta zozkatuko du, eta bazkideek osteguneko 12:00etara arte izango dute zozketan parte hartzeko aukera.
Parte hartu nahi dutenek hemen eman beharko dute izena, edota, bestela, 943-56 01 64 telefonora deituta. Horrela egiten dutenek NA zenbakia eta zozketaren kodea tekleatu beharko dituzte. Kasu honetan, zozketaren kodea 50 da.