Zapatuan eta igandean duatloiaren festa egingo dute Azkoitian, eta igande goizeko probak eragina izango du Azkoitia eta Azpeitia trafikoan. Kirolariak errepidean diren bitartean, ibilgailuen zirkulazioa erabat moztuta egongo da probaren noranzkoan. Zehazki, Azpeitia eta Azkoitia arteko errepidea itxita egongo da 10:45etik 12:30era bitartean.
Horrez gainera, Lurraldebusen autobus zerbitzuek ere aldaketak izango dituzte. Igandean, UK02 zerbitzuan, Azpetitik 10:30ean eta Errezildik 10:50ean Azkoitirako ateratzen diren autobus zerbitzuak ezeztatu egingo dituzte. Horrez gain, 10:00etatik 13:00etara bitartean, Azkoitia-Azpeitia arteko errepidea, bi noranzkoetan, txandaka, itxi egingo dutenez, autobus zerbitzuetan etenak eta atzerapenak izan daitezkeela ohartarazi du Lurraldebusek.