Liburuaren Egunaren harira, apirilean eta maiatzaren aurreneko egunetan hainbat ekintza antolatu ditu Azpeitiko Udal Liburutegiak. Azkenengoa maiatzaren 5ean egingo dute. Egun horretarako Julen magoaren ikuskizuna prestatu dute, liburutegian bertan, 17:30ean hasita.
Magia ikuskizunera joateko aurrez izena eman beharko da liburutegian bertan, 943-15 71 95 telefono zenbakira deituta edota Whatsappez mezua bidalita 688 81 55 06 telefono zenbakira. Izena emateko epea maiatzaren 4an bukatuko da.
Julen magoaren ekitaldiarekin bukatuko dituzte aurten Liburuaren Egunaren bueltako ekintzak.