Minbiziaren Aurka Gipuzkoan elkarteko kideak kalera atera dira gaur, herritarrak sentsibilizatzeko helburuarekin. Plazan astearteetako azoka egiten ari direla aprobetxatuz, beren elkartearen jarduna eta zereginak azaltzeko postua jarri dute hantxe. Elkartearen inguruko berri izan dezakete postura hurreratzen diren herritarrek.
Minbiziaren Aurka Gipuzkoan elkarteak duela hilabete batzuetatik egoitza du Azpeitian ere, eta Uztarriak aurtengo otsaileako aldizkarian elkartearen jardunaren berri emateko erreportajea kaleratu zuen han aritzen diren hainbat kiderekin hitz eginda.