Maiatzaren 18an, ostegunez, nekazaritzako ibilgailuen aldiko azterketa teknikoak (IAT) egingo dituzte herrian. Horretarako, unitate mugikorrak Azpeitiko Loiolako tren geltokiaren parean egongo dira 09:00etan. Eguneko bigarren hitzordua, berriz, Landetan dagoen Errezil-Urrakira joateko biribilgunean izango da, 13:00etan.
Azkoitian eta Errezilen ere egingo dituzte ibilgailuen azterketak hilaren 12an. Azkoitian, Ugarte industrialdean egingo dituzte 09:00etan, eta Errezilen, 12:30ean, Letea jatetxeko aparkalekuan. Zerbitzuko arduradunek esan dutenez, soilik zehaztutako egun eta leku horietan egongo da nekazaritzako ibilgailuen azterketa teknikoa egiteko aukera.