Apirilaren bukaeraz geroztik martxan dira nerabezaroa gai hartuta egiten ari diren Guraso Eskolak, eta atzo, asteartea, horien barruko bigarren saioa egin zuten. Hain zuzen ere, Komunikazioa gure seme-alabekin hitzaldia eskaini zuten Mireia Agirre Harremanakeko eta Luis Legorburu Orekaguneko psikologoek.
Atzokoan hitzaldia Azoka Plazaren goiko solairuko aretoan egin zuten, eta 60 bat lagun elkartu ziren. Horiek seme-alabekin komunikatzeko hainbat gako ezagutzeko parada izan zuten.
Guraso Eskolen barruan beste hiru saio ere egingo dituzte: maiatzaren 9an sare sozialak izango dituzte hizpide, maiatzaren 16an substantzien kontsumoa eta maiatzaren 31n nerabeen gurasoek solasteko parada izango dute.
Hona hemen datozen saioen gaineko informazioa:
- Maiatzak 9: Sare sozialen munduan murgildu nahi? hitzaldia, Maddi Oteizaren (Hazkunde) eskutik.
- Maiatzak 16: Substantzien kontsumoa. Zer egin dezake familiak? hitzaldia, Estibaliz Ansotegiren (Ortzadar) eskutik.
- Maiatzak 31: Nerabeen gurasoekin solasaldia, Gaztelekuko hezitzaileen eskutik.