Beste mendi irteera bat antolatu du Baigera jubilatuen eta pentsiodunen elkarteak. Maiatzaren 27an, zapatua, Soraluze-Karakate ibilaldia egingo dute Baigerakoek, eta ireki dute parte hartu nahi dutenentzako izen ematea.
Hilaren 27an, San Martin egoitzaren aurrean hartuko dute Soraluzera (Gipuzkoa) joateko autobusa, 09:00etan. Mendi ibilaldia borobiltzeko, Soraluzeko Txurruka jatetxean hamaiketakoa egingo dute.
Soraluze-Karakate mendi irteeran parte hartu nahi dutenek hilaren 24a arte eman dezakete izena Baigeraren bulegoan, 15 euroren truke.