Tomate landareak osasuntsu edukitzeko hainbat jakingarri azaltzeko tailerra emango dute ostegunean, maiatzaren 11n, Izarraizpeko baratze parkean, 18:00etan.
Kimu Batekoek emango dute tailerra; udalarekin elkarlanean antolatutako saioa izango da, eta doakoa. Tomateak landatzerakoan landareen artean uztea komeni den distantzia, tomateen zaintza, tratamenduak eta abar azalduko dituzte osteguneko tailerrean. Baratze parkean emango dute, baina ez da soilik baratzeetako erabiltzaileei zuzendutako saioa izango, nahi duten herritar guztiek dute tailerrean parte hartzeko aukera.