Gaur abiatuko da Azpeitiko Gaztetxeak euskal presoen aldeko futbito txapelketa. Uztailaren 14ra bitartean jokatuko dute txapelketa, eta partidak, ohi bezala, Betharram eraikineko futbol kantxan jokatuko dituzte. Taldeen arteko lehiak astelehenetik ostegunera bitartean izango dira, eta egunean bi partida jokatuko dituzte, 19:00etan hasita.
Aurten, hemezortzi taldek parte hartuko dute. A multzoan arituko dira Gaztiek 1, Buenos Amigos FC, Gaztiek 2, Sarandonga, Kortzo, Txanpai Fuola, Txifor, Intza lo eta jangok me eta Dandelion. B multzoan, berriz, honako talde hauek arituko dira: Trikue, Txulue, Bituyok, Urolalde, Goxotasun, Akerbeltz, Pikikuek, Aston Birra eta Para KE.