Aurten 30 urte beteko ditu Orkatz kultur elkarteak, eta prest dute urteurrena ospatzeko egitaraua. Hain zuzen ere, bihar arratsaldean aurkeztuko dute urteurrenaren bueltan antolatu duten jarduera sorta, 19:30ean hasita Orkatzen bertan egingo duten ekitaldian. Aurkezpenari mokadutxo batekin emango diote jarraipena, eta ondoren, Keia eta Letagin musika taldeek zuzeneko saio bana eskainiko dute.