Azpeitiko 23. Rallysprintean parte hartzen ari zen pertsona bat hil da, probaren lehen saioa jokatzen ari zirela gertatutako istripuan. Antolatzaileen arabera, Ioar Motorsport taldeko Artai Santidrian da hildakoa, eta auto bereko kopilotua, Daniel Chasco, Donostia Ospitalera eraman dute. Iturri horren arabera, Chascok "hainbat hezur" hautsi ditu, baina "arriskutik kanpo" dago.
Lekukoek azaldu dutenez, istripua izan duen autoak su hartu du Benta Berriko bidegurutzean, eta lasterketaren komisarioek lortu dute kopilotua ibilgailutik ateratzea. Ezbeharraren ondorioz, rallysprinta bertan behera utzi dute.