Beste urte batez, Oñatz tenis klubak antolatuta eta Kirol Patronatuaren eskaintzaren barruan, tenis eta padel ikastaroak eskainiko dituzte udan. Ekainean hasiko dira saioekin, baina dagoeneko eman daiteke izena.
Lau astez eskainiko dituzte tenis nahiz padel ikastaroak, astelehenetik ostiralera, Udal Kiroldegiko pistetan. Hain zuzen, ekainaren 26tik 30era, uztailaren 3tik uztailaren 7ra, uztailaren 10etik 14ra eta uztailaren 17tik 21era eskainiko dituzte padel nahiz tenis ikastaroak. Ordubeteko saioak eskainiko dituzte 10:00etatik 13:00etara. Izen-ematea asteka egin daiteke.
Ikastaroak adin guztietako eta maila guztietako pertsonei zuzenduta daude, eta taldeak mailaren eta adinaren arabera banatuko dituzte. Prezioari dagokionez, Kirol Patronatuko abonatuek asteko 30 euro ordaindu beharko dute, eta abonatu gabekoek, 35 euro. Tenis ikastaroetan izena eman nahi dutenek 606-34 16 08 (Joni) eta 685-76 18 63 (Iñaki) telefono zenbakietara deitu beharko dute.