Adin Adin egitasmoak Azpeitiko San Martin egoitzan egin du gaur geldialdia. Juan Jose Eizmendi Loidisaletxe eta Julene Iturbe bertsolariak aritu dira kantuan egoiliarren, haien senideen, langileen eta boluntarioen aurrean. Gainera, egoitzako behargin batek ere kantatu du bertsoa saioaren hasieran.
Egoitzako ordezkariek azaldu dutenez, arratsalde desberdin bat igaro dute Adin Adini esker; izan ere, haien hitzetan, orain plazetara joan ezin duten horiengana egoitzetara hurbiltzen dira bertsolariak egitasmoarekin. "Ekintza polita izan da. Atmosfera lasaia sortzen da, eta egoiliarrak, disfrutatu egiten dute, lasai. Plazera izan da, beste behin, bisita".
