Hainbat herritarrek Basazabal jauregian afaldu zuten ostiralean. Bertan merkatari elkarteak antolatuta, afari bereziaz gozatu ahal izan zuten hainbat gizon-emakumek. Izan ere, elkarteak afaritarako hainbat txartel zozkatu zituen maiatzean herriko saltokietan Azpeitia txartelarekin erosketak egin zituzten herritarren artean. Irabazleek Elikaguneak prestatutako platerez gozatu ahal izan zuten, Enekoraren musikak girotutako afarian.