Urola Erdiko Itaiak Emakume Langileon Eskolen barruko laugarren saioa egingo du ostiralean, maiatzak 26, Azpeitiko Azoka Plazan. Bertan, lan merkatu feminizatua izango dute hizpide eta aztergai. Horretarako, Itaiaren Oh gu hemen! saioaren proiekzioa eskainiko dute 18:30ean. Bideoa ikusi ostean, gaiaz hausnartzeko solasaldia egingo dute, eta jarraian afaria izango da Azoka Plazan bertan, 20:30ean hasita. Afalosterako kontzertu akustikoa ere antolatu dute.
Proiekzioa eta solasaldia irekiak izango dira. Afarian izena eman nahi dutenek, aldiz, Itaiako kideekin harremanetan jarrita egin dezakete izen-ematea.