Gipuzkoako 52. Hiru Txirlo Bolo Joko Txapelketaren azken jardunaldia Azpeitian jokatuko da datorren larunbatean. Egun horretarako, Bolari Eguna antolatu dute, eta Andres Calero Pelos zena omenduko dute. 11:00etan hasiko da bola txapelketako jardunaldia, Garmendipeko bolatokian.
Txapelketako saioaren ondoren, 15:00etan bazkaria egingo dute Kiruri jatetxean. Bazkalostean, Pelosen senideei oroigarria emango diete, eta Gipuzkoako Bola Joko Txapelketako sariak banatuko dituzte. Segidan, erromeria izango dute Aintzane eta Mirari trikitilariekin.