Martxan da aurtengo kimu mutilen Domusa Teknik Azpeitia Cup lagunarteko futbol txapelketa. 37 talde lehiatuko dira aurten Garmendipeko zelaietan, eta sailkapen faseko lehen 30 neurketak gaur jokatuko dituzte.
17:00etan hasi dira neurketak Garmendipen, eta 20:30ean hasiko dira lehen jardunaldiko azken partidak. Azpeitia Cupen futbol festa, ordea, igande eguerdira arte luzatuko da. Bihar, 09:00etatik 20:00etara izango da gaztetxoen futbolaz gozatzeko parada Garmendipen. Igandean ere 09:00etan hasiko azken jardunaldia, amaierako faseko partidekin; 12:10ean, kopa txapelketaren eta liga txapelketaren finalerdiak jokatuko dituzte; 12:45ean, kopa txapelketaren finala, eta liga txapelketaren finala, 13:15ean. Mutilen txapelketa 14:15ean egingo duten sari banaketa ekitaldiarekin itxiko dute.
Datorren asteburuan, berriz, kimu nesken txanda izango da Garmendipen.