Juan Antxieta musika eskolaren, Kulturaz kooperatibaren eta Azpeitiko Udalaren ekimenez, Argiztatutako Gauak musika egitasmoaren bigarren edizioa hasi zen atzo, ostirala, gauean, pianoari eskainitako kontzertuarekin. Eguraldiak lagunduta, dozenaka lagun izan ziren Soreasuko plazan elkartu zirenak, eta giro atsegina sortu zuten emanaldian parte hartu zuten Liher Berezibar, Yera Elorza, Sara eta Maier Badiola, Intza Ituarte, Itxaro Aldaburu, Ainhitze Txapartegi, Maialen eta Naia Olea, Intza Osinalde, Nahia Pineda eta Libe Egurzak.
Guztira, hiru kontzertu eskainiko dituzte Argiztatutako Gauak egitasmoaren barruan, eta hilaren 29an izango da hurrengoa. Soka kontzertua izango da orduan, eta eta ekainaren 30ean txistu hotsekin agurtuko dute aurtengo edizioa.
