Xaguxatar Bidearen Eguna ospatu dute, gaur, igandea, hainbat familiak, Azpeitiko Ekoetxeak antolatzen dituen Familia ekintzen barruan. Hara bertaratu diren herritarrak 10:00etan abiatu dira Ekoetxearen aurretik, eta hiru ordu inguruko eta 6,5 kilometroko itzulia egin dute oinez, xaguxatarren laguntzaz. Altxorarren bila jolasaren antzera egin dute oinezko bidea; izan ere, geldiune bakoitzean hainbat proba gainditu behar izan dituzte haurrek, Azpeitiko altxorra zein den jakiteko.