Lau urteko etenaren ostean, hogeita bosgarren Itsasaldeko Ibilaldi Neurtua egin zuten atzo, igandea, 200 bat lagunek, antolatzaileek jakinarazi zutenez. Ostarte zein zaparrada artean, mendizaleek Izarraitzen barrena osatu zituzten Lagun Onak mendi bazkunak aukeran jarritako bi ibilbideak; bata luzea, 26 kilometrokoa, eta bestea motza, 16 kilometrokoa. Batak zein besteak Erloko gailurra izan zuen ibilbideko punturik altuena. Ibilaldiaren amaieran, paella eta sagardoa izan zituzten parte hartzaileek, Azoka Plazan.