Egunotan hasi dira Sanjuandegiko skate parkea eraisteko lanekin. Iaztik martxan da skate parke berria Izarraizko Atea parkean, eta horregatik erabaki zuen Azpeitiko Udalak "zaharkituta" gelditutako parkea kentzeko prozesua abiatzea.
Skate parkea kenduta, autoentzako aparkalekuak egokituko dituzte eremu horretan. Obrak Art eraikuntza enpresa ari da gauzatzen, eta horiek bi hilabeteko epean bukatuko dituela aurreikusten du udalak. Lanek 333.037 euroko aurrekontua dute.