Ekoetxeak zientzia tailerra antolatu du datorren iganderako, ekainaren 18rako. Zehazki, erleen inguruko mitoak puskatzea eta horiek gizakien bizitzetan duten garrantzia zer-nolakoa den ikastea tailer horren helburua. Klima aldaketak erleen bizitzan eraginik ba al duen ere aztertuko dute. Horrez gain, erleak bertatik bertara ikusteko aukera ere izango da.
Saioa 10:00etatik 12:00etara egingo dute, eta 7 urtetik beherakoek heldu batekin parte hartu beharko dute. Ekintza familiei zuzendurik dago, eta, doakoa bada ere, aurrez izena eman behar da webgunearen bitartez edo Ekoetxearekin harremanetan jarrita.