Herriko ikastetxeetako ikasleek eta Garaguneko kideek Azpeitiko hainbat park eta bide garbitu zituzten atzo goizean. Azken urteetan, ekainean, Urola ibaia garbitu izan ohi dute ikasleek eta hainbat eragiletako kideek, baina aurten ibaia garbitu berria denez, herriko zenbait gune, bide eta parke garbitu dituzte. Orotara, 196 lagun aritu ziren garbiketa lanetan atzokoan, eta horiek ehun kilo zabor bildu zituzten. Lanak bukatu ostean hamaiketakoaz gozatu ahal izan zuten Ekoetxean.
