Astelehenero legez, hainbat jubilatuk eta pentsiodunek elkarretaratzea egin zuten atzo, plazan. Gutxieneko 1.080 euroko pentsioak aldarrikatzeaz gain, beste hainbat eskaera ere eraman zituzten herritarrek Azoka Plazaren atarira. Zaintzarekiko eta osasungintzarekiko kezka agertu zituzten pankartaren atzean bildutakoek, osasun zerbitzuetan ez dutelako ikusten "norabide aldaketarik". Halaber, uda sasoia iritsita, egoera "zailduko" ote den beldur direla ere adierazi zuten.