Beste urte batez, artilea bildu dute Lapatxen. Atzo egin zuten bilketa Azpeitiko garbigunean, Landaola, Lurgintza eta Abelurrek antolatuta. Egun osoan zehar joan ziren artzainak artilea ematera, eta guztira hogeita hamar bat lagun gerturatu ziren bertara, antolatzaileen esanetan. Autoetan nahiz atoietan eman zuten artzainek artilea.
Ekintza hori eta horren nondik norakoak hobeto ezagutzeko, hainbat artzainekin eta Arantzazu Martiarena Lurgintzako kudeatzailearekin elkartu da hedabide hau.