Bukatzear dagoen ikasturtean, Lehen Hezkuntzako ikasleen ikastetxeetako guraso elkarteak hainbat alditan bildu dira, gaztetxoen pantailen eta sakelako telefonoan erabilera lantzeko eta gaian sakontzeko. Gaian sakontzeko eta urratsak egiteko herri mailako talde eragilea ere sortu dute.
Bide horretan, apirilaren 24an, gaiaren inguruko mahai ingurua egin zuten Sanagustin kulturgunean.
Maiatzean eta ekainaren hasieran, berriz, ikastetxeetan hainbat lan saio egin dituzte ikasleekin nahiz gurasoekin, sakelako telefonoak dituen alde onak eta txarrak lantzeko.
Orain, udari begira, kontzientziazio kanpaina abiatu dute. Horretarako dekalogo bat argitaratu dute, eta ikasle guztiek beren etxeetara eramango dituzte esku orriak eta pegatinak, gurasoek pantailen erabilera egoki eta kontzientea egin dezaten.