Joan den asteko Erretz Txapelketarekin jai giroan murgildu ostean, ostegunean hasi zituzten Elizkaleko Korputz festak, Juan Antxieta musika eskolako gaztetxoen kalejirarekin. Atzo –ostirala– ere, jai giro aparta izan zen kale horretan; hain zuzen ere, musika eskolako gaztetxoen kalejira izan zen berriro, baita Kantujirakoen kalejira eta Jauregi eta Jokin Egurrola trikitilarien saioa ere. Musika eta dantza, alaitasuna izan zen nagusi Elizkalean.
Gaur, larunbata, amaituko dituzte festetako ekintzak. 13:00etan hasita, Itsasiko dantzarien emanaldia izan da, eta arratsaldean ere izango da zertaz gozatua Elizkalean. 19:30ean, trikitilarien kalejira izango da; 20:00etan, lagunarteko afaria, Baigera I tabernan; 22:30ean, Imuntzo eta Belokirekin erromeria; eta 00:00etan, Elizkaleko jaietako zozketa.