Loretoki Azpeitiko gimnastika erritmikoko kirolariek ikasturte bukaerako erakustaldia eskainiko dute bihar, asteartea, 18:30ean hasita, kiroldegian. Jaialdia irekia izango da, eta beraz, nahi duen orok izango du ikustera joateko aukera.
Bestalde, gimastika erritmikoko taldeak dagoeneko zabaldu du datorren ikasturterako izena emateko epea. Igerilekuan edo kiroldegian eman ahal izango da izena, baita azpeitia.gimnastika@hotmail.com helbide elektronikora mezua idatzita ere.