Azpeitiak eskuzko Gipuzkoako Herriarteko Txapelketaren finala jokatuko du zapatuan, ekainaren 24an, Oiartzunen kontra. Donostiako Atano III.a pilotalekuan izango da Azpeitikoen eta Oiartzungoen arteko norgehiagoka, 16:30ean hasita.
Finalaren aurreko egunetan, Gipuzkoako federazioak Atano III.ean entrenamendu saio bana egiteko aukera eskaintzen die herri finalistei, eta atzo arratsaldean izan zen Azpeitiaren txanda. Ilunpe elkarteko pilotariek Atano III.eko kantxa probatzeko aukera izan zuten, batzuek lehen aldiz. Gaur, berriz, Oiartzungo taldeak izango da atzo Azpeitiak izan zuen aukera bera.