Emakumeen Txokoan ere bukatzear da ikasturtea. Hain zuzen ere, ostiral arratsalderako iragarri dute ikasturte bukaerako jaialdia, eta horrekin, oporrak hartuko dituzte irailera arte.
17:30ean ekingo diote jaiari, batukada feministarekin. Plazatik abiatuta, Alde Zaharrean barrena egingo dute itzulia, hasitako leku berean bukatzeko. Jarraian, 19:00etan hasita, Beatriz Egizabalen Magma Mia bakarrizketa saioaz gozatzeko aukera izango dute Sanagustin kulturgunera bertaratzen direnek. Behin Egizabalek saioa bukatuta, mokadutxo bat egingo dute han bertan.