Senzala Euskadi capoeira taldeko ikasle gaztetxo zein helduek erakustaldia eskaini dute gaur arratsaldean Azpeitiko plazan. Amaitu berri den ikasturtean Azpeitian egin dituzten capoeira saioetan parte hartu duten ikasleek egin dute ordubete pasatxoko erakustaldia.
Gaurko saioan capoeira zer den erakutsi dute Senzalakoek, eta hori zertan datzan ikusteko eta parte hartzeko aukera izan dute plazan bildutako herritarrek, Senzalako kideekin batera kantatuz. Datorren ikasturtean capoeira egitera ere animatu dituzte herritarrak.