Gau giro bikaina lagun, San Joan bezperako ekitaldi jendetsua izan da gaur iluntzean Azpeitiko plazan. 22:00etarako ehunka ziren sua nola piztuko suten ikusteko plazan tokia hartuta zutenak, eta agindutako orduan piztu dute hura udal langileek. Jarraian, Itsasi euskal kultur elkarteko kideek hainbat dantza tradizional egin dituzte suaren bueltan eta herritarren aurrean. Saioari bukaera emateko, herritarrak gonbidatu dituzte dantzara, eta ez dute hutsik egin. Plaza bete jende aritu da dantzan sua itzali bitartean.