Azpeitiko Udalak gaur goizean egin du datorren uztailaren 23ko Espainiako Gorteetarako bozetarako mahaiak osatzeko zozketa, eta dagoeneko ikusgai daude emaitzak. Udalaren webgunean dagoeneko kontsulta daitezke behin betiko emaitzak.
Erabiltzaileek NA zenbakia sartu beharko dute horretarako egokituko duten atalean, eta erantzuna baiezkoa den kasuetan, titularra edo ordezkoa den eta zein mahaitan egotea egokitu zaion zehaztuko du sistemak. Dena den, ohiko moduan, mahaikide izatea tokatu zaien herritarrek etxean jasoko dute gutun zertifikatua, jakinarazpenarekin.