Aitor Zubizarreta (Azpeitia, 1995) saskibaloi jokalariak Guuk Gipuzkoa Basket taldean jarraituko du. Donostiako klubak gaur arratsaldean bere sare sozialen bidez jakinarazi duenez, beste bi urterako luzatu diote kontratua Zubizarretari. 2021-2022 denboraldian iritsi zen Gipuzkoa Basketera joko antolatzaile azpeitiarra, eta bukatu berri denarekin, bi denboraldi osatu ditu han.
ACB ligara, Espainiako saskibaloiaren maila gorenera, itzultzeko zorian izan da sasoi honetan Donostiako taldea, baina Urrezko LEB ligan lehiatuko da berriro ere 2023-2024 denboraldian.