Damaso Azkue auzoko bizilagunak prest daude jada aurtengo festetarako. Dagoeneko zehaztu dute jaietako egitaraua; aurtengoan, uztailaren 1ean, larunbatez, ospatuko dituzte auzuneko festak, egun osoan zehar egingo dituzten ekintzekin.
Hainbat ekitaldi antolatu dituzte egun horretarako, hala nola tortilla lehiaketa, hamaiketakoa, txaranga poteoa, Iago magoaren emanaldia, umeentzako merienda eta auzo afaria. Herritar orok izango du horietan parte hartzeko aukera, baina tortilla lehiaketan eta auzo afarian parte hartzeko izena emateko epea itxita dago jada.
Hona hemen aurtengo jaietako egitaraua:
11:00. Tortilla lehiaketa.
12:15. Hamaiketakoa.
12:30. Txaranga poteoa.
17:00. Merienda.
18:00. Iago magoaren emanaldia.
19:30. Txaranga poteoa.
20:30. Umeen afaria.
21:00. Helduen afaria.
23:00. Musika.