Argiztatutako Gauak musika egitasmoko bigarren kontzertua eman zuten atzo Dinamoan; berez Soreasuko plazatxoan egitekoak baziren ere, euria aurreikusten zelako Dinamoan egitea erabaki zuten. Atzoko saioan sokazko instrumentuen txanda izan zen, eta Erik eta Sara Jones, Laine Juaristi, Nikole Landa, Oier Sagardogi, Nora Gorrotxategi, Joane Larrea, Maier Raña, Julen Rezabal, Hurritz Kerejeta, Maddi Unanue, Ashley Tapia, Iban Arruabarrena, Denis Arzallus eta Amaia Dorronsoro musikariek hartu zuten parte kontzertuan.
Guztira, hiru kontzertu eskainiko dituzte Argiztatutako Gauak egitasmoaren barruan, eta gaur agurtuko dute aurtengo edizioa, txistu hotsekin, 22:00etan, Soreasuko plazan. Gaurkoan Garazi Aldaburu, Nahia Campos, Laida Lizaso, Enaitz Zubizarreta, Jone Odriozola, Jon Azpeitia, Saioa eta Egoi Berezibar, Eider Gurrutxaga nahiz Janitz, Alain eta Maria Sorazu izango dira kontzertua eskainiko duten musikariak.
Argazkiak: Mireia Galarza