Argiztatutako Gauak egitasmoa iritsi da amaierara. Atzo, ostiralez, eskaini zuten aurtengo edizioko hirugarren eta azken emanaldia Dinamoa sormen gunean. Aurten, eguraldiak baldintzatuta egin dituzte hiru kontzertuetatik bi, eta ezin izan dituzte Soreasuko plazatxoan egin. Horrenbestez, areto barruko emanaldiak eskaini dituzte ostegun zein ostiral.
Atzokoan, Juan Antxieta musika eskolako txistu ikasleak izan ziren jendaurrera atera eta musikaz gozarazi zutenak. Hain zuzen, Garazi Aldaburu, Nahia Campos, Laida Lizaso, Enaitz Zubizarreta, Jone Odriozola, Jon Azpeitia, Saioa eta Egoi Berezibar, Eider Gurrutxaga nahiz Janitz, Alain eta Maria Sorazu izan ziren emanaldian parte hartu zutenak.
(Argazkiak: Mireia Galarza)