Bosgarren etaparekin iritsi da Tourra Pirinioetara, eta sari bikoitza izan du Jai Hindleyk (Bora-Hansgrohe) mendiko lehen etapan: Larunseko helmugan aurrena izan da, eta gainera, maillot horia jantzi du; 47 segundoko aldea kentzen dio Jonas Vingegaardi, etapako beste protagonistari.
Uztarriaren Pourran, laugarren txirrindulari aukeratuena da aurten Hindley; 222 taldetan dago. Pourraren taldeen sailkapenak gaur ere aldaketak izan ditu buruan: Mesinako Marrazoa taldea dago orain lehen postuan; honela dago, bestalde, saridunen behin-behineko zerrenda.