Aurten hemezortzi urte beteko ditu Azpeitiko Gaztetxeak, eta urtero bezala, urteurren ekitaldi ugari antolatu dituzte asteburu honetarako. Ostiralean hasiko dute ospakizuna, futbito txapelketako finalen aitzakian. 20:00etan hasita jokatuko dituzte kopako eta ligako finalak plazan muntatuko duten futbol zelaian. Parrillada ere egingo dute, partiden ostean, leku berean.
Larunbaterako egun osoko egitaraua antolatu du Gaztetxeak. Goizean, ohi den bezala, baltsa jaitsierarekin hasiko dute eguna, eta ondoren, bazkaria egingo dute Gaztetxean bertan; otordurako txartelak Haginpe tabernan eskura daitezke. Bazkalostean gaztetxeko kantaren proiekzioa eta sari banaketa egingo dituzte, eta gero, karropoteoarekin abiatuko dira kalera. 20:30etan irekiko dute berriro Gaztetxea, eta pizzak dastatzeko aukera izango dute hara joaten direnek. Urteurreneko ospakizunei amaiera emateko, Jipoituak, Igitaia eta Ostikoka taldeen kontzertuak izango dira Gaztetxean.
Hona hemen, Gaztetxearen urtemugarako prestatu duten egitarau osoa:
Uztailak 14, ostirala
20:00. Futbito txapelketako kopako finala.
21:00. Futbito txapelketako ligako finala.
Ondoren, parrillada.
Uztailak 15, larunbata
10:30. Baltsa erakusketa eta hamaiketakoa.
11:30. Baltsa jaitsiera.
Ondoren, argazkia.
14:30. Bazkaria.
15:50. Gaztetxeko kantaren proiekzioa.
16:00. Sari banaketa.
17:00. Karropoteoa, Gaztetxetik hasita.
20:30. Gaztetxearen irekiera eta pizza jana.
21:00. Kontzertuak. Jipoituak, Igitaia eta Ostikoka.