Azken txanpara iritsi da Azpeitia Dantzanen aurtengo edizioa. Luis Beltza dantza solte eskolako, Sahatsa dantza taldeko eta Dantzaki dantza eskolako kideek eskainitako hiru emanaldien ostean, Itsasi dantza taldekoen txanda izango da asteburuan.
Igandean eskainiko du ikuskizuna dantzariek, 19:00etan hasita, Soreasu antzokian. Emanaldia doakoa izango da, baina hara joan nahi duten herritarrek gonbidapena eskuratu beharko dute Kulturaz kooperatibaren webgunean.