Unai Marrero atezainak 2027ra arte luzatu du Realarekin duen kontratua. Talde txuri-urdinak eta futbolari azpeitiarrak akordioa erdietsi dute, eta klubak gaur eman du horren berri. Iaztik, 2026ra arteko kontratua zuen atezainak Realarekin, baina beste denboraldi baterako luzatu du hitzarmena.
Marrero 2016an fitxatu zuen Realak; Lagun Onakeko Ohorezko Kadeteen mailan jokatzen zuen orduan azpeitiarrak. 2020an Reala C taldean jokatu zuen, eta 2021ean egin zuen debuta Reala B taldearekin. Ordutik hainbat partidatarako deialdian sartu du Imanol Alguacil Realeko gizonen lehen taldeko entrenatzaileak, baina oraindik ez du Espainiako Lehen Mailan debuta egin.