Eguraldiak eta ostegunetako kaleko saltsak lagunduta, giro ederra izan zen atzo arratsaldean Erdikalean, Azkaiter Pelox taldeak eskainitako kontzertuaren bueltan. Orkatz eta Korrale tabernen atarira bertaratu ziren herritarrek Unai Azkarate bergararraren taldeak eskainitako Eromeriak emanaldi bereziaz gozatzeko aukera izan zuten. 18:30ak aldera hasi zen emanaldia, eta adin guztietako herritarrak elkartu ziren Azkaiter Peloxen doinuak entzuteko.
(Argazkiak: Koldo Eizmendi)