Gaztetxearen XVIII. urteurreneko ospakizunei hasiera eman zieten atzo arratsaldean. Plazak futbol zelai itxura hartu zuen, eta futbito txapelketako kopako eta ligako finaletara sailkatu ziren lau taldeek urteko azken partidak gozatzeko aukera izan zuten.
Kopako finalean Dandelionek gain hartu zion Kortzo taldeari, eta 2-0 amaitu zen haien arteko neurketa. Ligako finalean, berriz, Sarandonga taldeak Senegaleko banderaren berde, hori eta gorri koloreekin estali zuen zelaia, eta partidan ere kolore bera nagusitu zen, erraz menderatu baitzuten Txanpai Fuola taldea. 6-1 izan zen partidaren emaitza.
Bertaratu zen herritar orok parrilladaz gozatzeko aukera izan zuen partidak amaitu ostean.