Elene Viles erdilari azpeitiarra Realaren lehen taldean ariko da datorren denboraldian. Gaur eman du horren berri talde txuri-urdinak; klubak jakinarazi duenez, aurrerantzean emakumeen lehen taldearen dinamikan ariko da Viles.
2018an iritsi zen azpeitiarra Lagun Onaketik Realera, Haizea Urangarekin eta Mirari Uriarekin batera. Orain arte bigarren taldean aritu da Viles, nahiz eta txapelketa batzuetako partidaren bat edo beste ere jokatu dituen lehen taldearekin –Euskal Herria Kopako finala iaz, adibidez–. Lehen taldearekin debuta, berriz, 2021eko irailean egin zuen, Valentziaren kontra.
Datorren denboraldian, beraz, bi azpeitiarrek jokatuko dute Realaren lehen taldean: 2021etik talde horretako kide den Mirari Uriak eta Vilesek.
Honako hau da Realak sare sozialetan argitaratu duen bideoa:
🗣️ Elene Viles: “pauso hau ematea izugarria da niretzat”#Viles | #aurrerareala pic.twitter.com/xrJ4SGR70u
— Real Sociedad Femenino (@RealSociedadFEM) July 17, 2023