Andoni Bastarrikarekin hondarrezko eskulturak egiteko aukera izan dute herriko umeek eta gaztetxoek gaur goizean. Dozenaka izan dira arearekin esperimentuak egitera ausartu direnak, eta artistaren laguntzarekin, eskulan txukunak egin dituzte zenbaitek. Goizean parte hartu ezin izan dutenek, arratsaldean ere izango dute aukera, 16:00etatik 19:00etara berriz ere plazan izango baita Bastarrika, hondarrezko eskulturak egin nahi dituztenei nola egin irakasten.
Santio egunez, berriz, areazko zaldi bat eraikitzeko asmoa du artistak berak. 1766ko Matxinada plazan ariko da horretan.