Euskal presoen eskubideak aldarrikatzeko bi ekitaldi antolatu ditu Azpeitiko Sarek gaur arratsalderako. Lehenik, uztaileko azken ostirala izanik, 19:00etan hasita, elkarretaratzea egingo dute plazan. Ondoren, gainera, festen atarian, eta ikasturteko azken kontzentrazioa izanik, parrilladaz gozatu ahal izango dute plazara joaten diren herritarrek, musikaz girotuta.
Bestalde, San Inazio festetan euskal presoen eskubideen aldeko Etxera jantokia jarriko dute Azoka Plazan. Uztailaren 30ean, 31n eta abuztuaren 1ean sabela betetzeko aukera izango dute herritarrek jantokian, 20:00etatik aurrera.