Hainbat izan ziren San Inazio bezperako herri bazkarirako txartelak atzo erosi zituzten herritarrak, baina oraindik horretarako betarik izan ez dutenek gaur ere izango dute txartelak eskuratzeko aukera. 17:00etatik 20:00etara jarriko dute salmahaia plazan, udaletxe azpiko arkupeetan.
Bazkarirako txartelak hamar eurotan eskura daitezke, eta Marea Arroxaren kamisetak, berriz, bost eurotan. Biak erosi nahi dituztenek, berriz, hamahiru euro ordaindu beharko dituzte.