La Guipuzcoana enpresako langileek greba egingo dute uztailaren 30ean eta 31n, enpresak lan hitzarmena negoziatzeko borondaterik ez daukala iritzita. Bi egun horietan %30eko gutxieneko zerbitzua bakarrik eskainiko du enpresak, Eusko Jaurlaritzak hala aginduta, eta gaueko autobus zerbitzurik eta zerbitzu berezik ez da izango martxan. Beraz, saninazioetako lehen bi egunetan herritarrek beste moduren batera moldatu beharko dute gauez Azpeitira joateko edo Azpeititik etxera bueltatzeko.
Abuztuaren 1ean, ordea, bai, gaueko autobus zerbitzua martxan izango dela jakinarazi du La Guipuzcoanak; hain zuzen ere, egun horretako eguerdira arte iraungo duelako langileen grebak.
- Uztailaren 30eko autobus zerbitzua.
- Uztailaren 31ko autobus zerbitzua.
- Abuztuaren 1eko eguneko autobus zerbitzua.
- Abuztuaren 1eko gaueko autobus zerbitzua.