Mikel Aranguren (Azpeitia, 1978) izendatu dute Donostiako Gotzaindegiko bikario nagusi. Uztailaren 1ean egin zuten apaiz azpeitiarraren izendapena. 2016an Uztarriak egin zion elkarrizketa irakur daiteke hemen.
27 urterekin Perun izandako misio esperientzia baten ondoren sortu zitzaion apaiz izateko bokazioa Arangureni. Bertako jendea goseak, gaixotasun larriekin eta muturreko egoeretan egonagatik ere bizitzari aurre egiten ziola ikusteak bere bizitzako gauza asko zalantzan jartzea eragin zion. Enpresa bateko giza baliabideen arloan zuen lana utzi zuen, eta apaiz izateko formakuntzari ekin zion. Espiritualitatearen inguruko tesia egin zuen Erroman, eta 2013an egin zen apaiz.